المادة الاولى
دولة خرابستان دولة ديموكتاتورية وهى جزء لا يتجزء من الوطن الهبلستانى الكبير والامة االنومستانية
المادة الثانية
المواطنة حيث ان كل مواطن خربستانى يعتبر مواطن كامل الحقوق وبذات المواطنات حيث ان هذه الماده وضعت باسمهن ماده المواطنة الصالحة قبل المواطن الصالح
المواد من 3 الى 76 تم الغائها لعدم حاجة دولة خرابستان لها
الماده 77
يحق لحاكم دولة خرابستان ان يحكم خرابستان فتره واحده فقط وان يتم تحديد هذه الفتره من بداية توليه الرئاسة وحتى اخر نفس فى حياته
الماده 78
لا يحق التجديد لحاكم دوله خرابستان بعد اخر نفس يتنفسة ويحق له قبل اسناد اخر نفس ان يسند الحكم الى من يراه مناسبا دون الرجوع لاحد
المواد من 79 الى 187 تم الغائها ايضا لظروف خارجة عن اراده دولة خرابستان
المادة 188
يحق لحاكم خرابستان حكم الشعب باى طريقه مناسبة له ولى دوام حكمة الحكيم ويحق له اعتبار اى معارضين له ارهابين ويحاكموا فى المحاكم العسعسية الخرابستانية ويكون الحكم دائما عليهم بالاعدام بالخازوق المغرى
الماده 189
يتم انشاء مجلس الموافقات الخرابستانى بشرط عدم وجود معارضين بمجلس الموافقات ولو وجد يتم تطبيق حد الرده عليهم او صلبهم او تقطيع ايديهم وارجلهم من خلاف او ينفوا من الارض فى احد المعتقلات عشان يحرموا يعارضوا
الماده 190
العسعس هم السلطة التنفذية فى دوله خرابستان ويحق لهم التعامل مع الشعب الخرابستانى باى طريقه تحافظ على النظام ولو اقتضى الامر ادخال العصى فى مؤخراتهم لامؤاخذه يعنى او رميهم من الادوار العليا
الماده 191
الشعب الخربستانى هو شعب حبيب ومهاود اذا خرج عن النظام يحق لحاكم خربستان ان 000000
مكان النقط هى لفظ خارج وهو يمثل العملية البيولجية بين رجلين او بين رجل وانثى عشان العيال الصغيره بس
الماده 192
يحق لحاكم خربستان الغاء العمل بمواد الدستور لاى ظرف طارئ او لو فية ظروف طوارئ ولا حاجة
الماده 193
النشيد الوطنى الخرابستانى
هو
ما شربتش من مجاريها
طيب ما تبهدلتش فيها
ولا ليك صوره فى السجن او كنت من معتقليها
يجب ان يحفظ واذا تم ضبط اى مواطن لا يحفظ النشيد الوطنى لدوله خرابستان العظمى
يتم رفعه على سارى العلم اقصد على الخازوق فى ميدان عام
دولة خرابستان دولة ديموكتاتورية وهى جزء لا يتجزء من الوطن الهبلستانى الكبير والامة االنومستانية
المادة الثانية
المواطنة حيث ان كل مواطن خربستانى يعتبر مواطن كامل الحقوق وبذات المواطنات حيث ان هذه الماده وضعت باسمهن ماده المواطنة الصالحة قبل المواطن الصالح
المواد من 3 الى 76 تم الغائها لعدم حاجة دولة خرابستان لها
الماده 77
يحق لحاكم دولة خرابستان ان يحكم خرابستان فتره واحده فقط وان يتم تحديد هذه الفتره من بداية توليه الرئاسة وحتى اخر نفس فى حياته
الماده 78
لا يحق التجديد لحاكم دوله خرابستان بعد اخر نفس يتنفسة ويحق له قبل اسناد اخر نفس ان يسند الحكم الى من يراه مناسبا دون الرجوع لاحد
المواد من 79 الى 187 تم الغائها ايضا لظروف خارجة عن اراده دولة خرابستان
المادة 188
يحق لحاكم خرابستان حكم الشعب باى طريقه مناسبة له ولى دوام حكمة الحكيم ويحق له اعتبار اى معارضين له ارهابين ويحاكموا فى المحاكم العسعسية الخرابستانية ويكون الحكم دائما عليهم بالاعدام بالخازوق المغرى
الماده 189
يتم انشاء مجلس الموافقات الخرابستانى بشرط عدم وجود معارضين بمجلس الموافقات ولو وجد يتم تطبيق حد الرده عليهم او صلبهم او تقطيع ايديهم وارجلهم من خلاف او ينفوا من الارض فى احد المعتقلات عشان يحرموا يعارضوا
الماده 190
العسعس هم السلطة التنفذية فى دوله خرابستان ويحق لهم التعامل مع الشعب الخرابستانى باى طريقه تحافظ على النظام ولو اقتضى الامر ادخال العصى فى مؤخراتهم لامؤاخذه يعنى او رميهم من الادوار العليا
الماده 191
الشعب الخربستانى هو شعب حبيب ومهاود اذا خرج عن النظام يحق لحاكم خربستان ان 000000
مكان النقط هى لفظ خارج وهو يمثل العملية البيولجية بين رجلين او بين رجل وانثى عشان العيال الصغيره بس
الماده 192
يحق لحاكم خربستان الغاء العمل بمواد الدستور لاى ظرف طارئ او لو فية ظروف طوارئ ولا حاجة
الماده 193
النشيد الوطنى الخرابستانى
هو
ما شربتش من مجاريها
طيب ما تبهدلتش فيها
ولا ليك صوره فى السجن او كنت من معتقليها
يجب ان يحفظ واذا تم ضبط اى مواطن لا يحفظ النشيد الوطنى لدوله خرابستان العظمى
يتم رفعه على سارى العلم اقصد على الخازوق فى ميدان عام
58 comments:
هو ده الدستور و الا بلاش
هى دى الديمقراطيه و الشفافيه
و لا النشيد الوطنى ايه الجمال ده
على كده احنا فى هنا و احنا مش عارفين
الحمد لله انها جت على قد كده
حلوة اوى
بالذات النشيد الوطنى
بيفكرنى البوست ده بكتاب حدث فى انتيكا ل دز تامر احمد
هى ديه خرابستان العظمى يا مريم
كل حاجه فى خرابستان حلوه يا ياسمين
ايه الجمال دا اهو دا فعلا الدستور الجميل الرايق العسل
الفل
منك لله
محدش هيقعد فى الدولة دى نهائى ولا هيحط رجله فيه
رائعة جدا يا عزيزى وشديدة السخرية
واتمنى ان ارى مثلها الكثير
سجده كلنا عايشين فيها وللاسف ده هو الواقع بتاعنا
ومش هنقدر نتغير لو ما اعترفناش بالواقع ده
human basha
السخرية وحدها لا تكفى
انما الغرض من السخرية هو محاولة التفاعل والتغير
تحيا خرابستان للأسف ده حال دول كتير من دولنا
أنا عجبني الدستور ده خالص و عشان كده أنا مستعدة أكون مواطن صالح و منضبط بس ليّه شرط صغير أوي: أبقى أنا الحاكم بتاع خرابستان و تنتخبوني ب 99 في الميّة من الأصوات
ههههههههههههههههههههههههههههه
دستور جامد يا معلم ان شاء الله هايبداء العمل فى العزبه اه سورى الدوله دى امتى
تحياتى ليك واللى حواليك ولدوله خرابستان العظمى الكبرى المتنطره
مساء الخراب يا سيدي
طب ماتعييني اي حاجة كده
وزير داخلية خارجية
او الاتنين مش مشكلة
وهتبقي عملت للبلد خدمة جليلة
تقولي مين جليلة اقولك معرفش
شباب روش طحن
مشل حال دول كتير من بلادنا بل حال كل بلادنا
mahéva
مش هننتخبك بنسبه 99 لا الحاكم لازم ينتخب فى خرابستان العظمى بنسبه 100
بس انتى كده هتكونى معارضه لحاكم دوله خرابستان العظمى مش عايزه ترشحى نفسك قصاده
لازم تحددى موقفك هل انتى من المؤيدين او من المعارضين لسيادته الديموكتاتور لا قدر الله
حسام مراد باشا
الدستور ده مطبق من زمان يا معلم
ولا انته مش واخد بالك ولا ايه
amr ahmed ya mo3alem
انت الوزير المنتظر
انت الوزير الى الابد
هو فى حقيبه وزاريه فاضيه فى الدوله عندنا يا معلم
هى وزاره
الكيفستان
ومهام الوزاره ديه انها تكيف الشعب لو تقبل اكلملك سيادته الديموكتاتور
هى دى هى هى نفسها دوله خدمستان الى كل الناس فيها خدامين للذات العليا؟؟؟؟
ولا غيرها افدنى ارجوك
jhon
ده انقلاب و لا احتلال و لا ناوي تنشئها في جزيرة بعيدة؟
انا خايفة عليك بس
قولي تحب مع العيش و حلاوة قمر الدين و لا خشاف؟
اصل الفطار ضرب هناك
تحياتي
Awesome!
هيا البلد دى بتفتح فى رمضان برضة
كل سنة وانت طيب بصفتك وبشخصك
مساء الخير سيادة الريس
هوا عندي نقطة كدا شغلاني اوى اوى فوق ماتتصور ..واحب اناقشك فيها بعد دازن سيادك ومعاليك وسعادك يا باشمهندس الدكتور القائد الاعلى لأي حاجة ..سيادت الرئيس طب ايه وضع الحيوانات من اوسخ كلب في الشارع لاجمل خيل عربي اصيل في دستورنا الجليل ..مع تقبل خالص واعز واجل واسمى ايات الشكر والعرفان معطرة بالمسك والسلك والزعفران والسلام..
تحياتى
مجرد مواطن احيانا الروبيبيكيا
بحكم اطلاعاتى المتواضعة لاسعارها في البورصات بتكون اغلى منة وسوري.. بكثير !!
;)
تحياتى
.العَبدِالرَحَمن
Cong. on ur new kharaba we isa te3ref te3mr el khraba we tesmsek zemam 7okmha we sh3;bha el khrabawy
ربونا يعينك يا فندن
انا باعمل كل المباحثات عشان نعرف القاده ببعض
.
.
شد حيلك بقي
هههههههههههههه
احلى حاجة النشيد
بصراحة
مبروك المدونة ومستنيين مواضيعك فى الدولة العجيبة دى اما نشوف هتحكم ازاى
خخخخخخخخخخخخخخخخخ
يا ابنى انا عاوزة فيزا ختم الحداية علشان اجى عندكم
اهى بلدكم دى حاليا جنة بالنوسبة لهنا
فين البوست الجديد؟؟؟؟؟؟
كل سنة وانت طيب
ورمضان كريم
egyptianocd
يا باشا ديه دوله زيها زى خدمستان او ممكن نقول خدمستان جزء لا يا يتجزء من خرابستان المهروسة
Sampateek
يا عسل
ديه دوله موجوده من 7000 سنه ولا مش عارفاها
ومتخافيش ما عندناش عيش وحلاوه
SillyBahrainiGirl
thank u
أبو أمل
يلام صعيدى شحط محط للمثقف الصعيدى
وكل سنه وانت طيب يا شاعر
A L A B D E L R H M A N
ايه يا معلم انت عايز تودينى فى داهيه
انا مواطن خربستانى اصيل ومش الحاكم يا معلم
بالنسبة للكلاب والحيوانات فى الدستور
احنا بعون الله لاغينا كل حاجه عندهم عشان المعارضين ما يطلبوش بحقوقهم زى اى حيوان فى اى بلد تانية
Ma-3lina
ما علينا هتودينى فى داهيه انا ما اقدرش احكم شعب خرابستان فانا منن المؤيدين الحمد لله للحاكم الخربستانى القائد الديموكتاتورى المجيد وحامى حمى الحريه
ادم المصري
يا باشا مشكور على جهودك بس القاده عارفين بعضهم يا معلم
أميرة ويلز
انا احكم يا عسل ده كانت رقبتى تطير اوو ادخل اقرب معتقل لو فكرت انا مؤيد لحكم حاكم خرابستان الحكيم الودود المهاود
شهروزه العسوله
شهروزه باشا كل سنه وانتى طيبه وان شاء الله البوست الجديد جى فى السكه ربنا معاه ويوصل بسرعه
ماشاء الله بجد بوست جامد جدا
!دستور آخر روقان.. والله المستعان
جيت بس اقول كل سنة وانت طيب
تمام يا وطن
طب ممكن سؤال سكان الدولة دي ينفعلهم صيام
عموما رمضان كريم
وكل سنة وانتو خربانين اكتر
نور الجميلة
متشكر جدا ده من ذوقك
عصفور ضعيف الجناح
كل سنة وانت طيب يا معلم
امير الموهوبين حائر فى دنيا الله
بالنسبة للصيام حسب ما يقول حاكم خربستان المجيد لو ينفع صيامنا يبقى ينفع لو ما ينفعش يبقى ما ينفعش
اصله عمره ما بيغلط اصله مش بشر
السلام عليكم
ازيك يازعيم خربستان
ايه ياعم القوانين والدساتير الجديدة ديه
ولا رشدى أباظة فى زمانه
لا بس متقوليش بقي ايه النظام والدقة ديه كلها ولا العدالة اللى هتغطى العالم بحكم خربستان
ياراجل ده انت طلعت احسن من ناس كتير
على الاقل انت واضح وصريح
احسن من الناس اللى بتقعد تلف وتدور وتقول الدستور بتاعك ده بس بطريقة مستخبية
ويقولوا احنا بنحكم بالديمقراطية
سلامات ياديمقراطية
ياعم كمل ونزل بقي مواضيع باين على مدونتك قصدى على دولتك خرابستان هتبقي تحفة جداااا
كل سنة وانت طيب يازعيم خرابستان
ورمضان كريم
عاوزة الفانوس بقي
تحـيا دولــة خرابستـــان العظــمى...
تحيــــا...تحيــــا...تحيـــا...
بوست جميل قوي
وكل سنه وانت طيب
عاوزين جديد بقه
تحيــاتي
معلش... زيارة متأخرة منى... أصل جهاز المخابرات عندى ما قاليش أى أخبار عن الانقلاب اللى سعادتك قمت بيه و توليك منصب الحاكم و الزعيم الأعظم للدولة
الف مبروك على رئاسة الدولة و على الدستور اللى ما يخرش المية... و لو فيه عندكوا انتخابات محليات ابقى قول لى الله يحفظك عشان عايز اهبر لى هبرتين كدة قبل العيد بقى كل سنة و انت طيب
قبل ما انسى صحيح.. ابقى ابعت لنا واحد من عندك كدة عندنا نعمل له قنصلية و لا سفارة عشان اللى عاوز يسافر من عندنا ليكوا نبقى نلزقه المبلغ التمام لزوم الورق و الجوازات و الدمغات و الحاجات دى.. و هانقسم بالنص ما تخافش
انا عليا اقول بس
كل سنة وانتى طيب
السلام عليكم و رحمه الله و بركاته
كل سنه و انت طيب عشان شهر رمضان
و لا الشهر ده اتلغى عندكوا فى خرابستان
هههههههههههههه
اسلوبك فى الكتابه جامد اوى و ربنا يوفقك و تكتب حاجات تانيه اجمد
اية يا عم الحاج؟؟
كل سنة وانت طيب ورمضان كريم
نسيت تكتب تانى ولا اية النظام؟؟؟
اوعى تكون اتقفشت ولا حشروك وسط رؤساء التحرير المظاليم
مستنيين البوست الجديد
hehehehehhehehe
أحييك على حرصك على وضع دستور البلاد العظمى وشكلك هيبقى ليك معايا أشواط
كل سنة وانت طيب
جميييييييييييييييله
يا خرابستاني
قلبت علينا المواجع
عاشقة الوطن
كل سنه وانتى طيبة يا عسل وان شاء الله ربنى يقدرنى واقدر اشتريلك فانوس هديه لحسن عندنا الحالة صعبه جدا واللى يقدر يشترى فانوس لعياله يبقى من الاغنياء ربنا يدينا ونهادى بفوانيس
وبعدين الدستور ده يا عاشقه الوطن صريح بس مريح احنا عندنا بنجيب من الاخر هو لسه هنحط دساتير ونفضل نلف وندور عشان نغيرها بمزاجنا ولو اتعملت كل الدساتير كده كنا استريحنا وما زعلناش زى عندنا فى خرابستان مبسوطين ورايقين ولا بنقف فى طوابير عيش ولا رشاوى ومحسوبيات ولا اى حاجه احنا خلقنا ليحكمنا الحاكم الاعظم الديموكتاتور المخلد فى الارض
اوشه شكرا على ذوقك يا جميل وكل سنه وانتى طيبه
ابن حجر العسقلانى
ايه الاسم الخطير ده
وما تودينيش فى داهيه يا معلم انا ما عملتش انقلاب انا مواطن مش حاكم وانا هكلم الحاكم ان شاء الله عشان يفتح عندكم وزاره وبقترح تبقى وزاره الكيف والجوانات عشان الشعب عندكم يتكيف زينا وكل شنه وانت طيب يا عسقلانى
بتاع العسل
كل سنه وانت طيب ويا ريت زلعه وحياه الغالى عندك
شيكو
ربنا يخليك انا بحاول اعبر على اللى جوايا وانا مبسوط ان الموضوع عجبك
وبالنسبه لشهر رمضان احنا بنصوم بس ما بنصليش عشان اللى بيدخل اى جامع عندنا بيتوجهله تهمه التردد على المساجد ويروح وما يرجعش
شهروزه العسوله
لا ما نسيتش والله بس كنت مشغول اوى والله وحنا عندنا حريه صحافه مش ممكن نقبض على رؤساء تحرير كده بدون سبب يعنى الاسباب عندنا ممكن تكون واحد بيروج اشاعات على الزعيم القائد ويقول انه صحته تعبانه وبيخرف مع ان صحته زى الفل وما عندوش حاجه وخلال اكتر من ربع قرن جاله بس شويه انفلونزا والحمد لله تم القبض على جميع الفراخ التى تحمل هذا الفيروس واللى انتقل لحاكم خرابستان بالصدفه
وفى الطريق سوف نقبض على الانفلونزا ذاتها
جوستين
الحمد لله انك مبسوطه وبتضحكى على دستورنا
الاستاذ
يا معلم لو شرفت مدونتى وانا مبسوط جدا ان الاستاذ نفسه شرفنى ويبقى ليا معاه اشواط على الواقع الافتراضى
دكتور حر
الله يخليك يا دكتور وربنا ما يجبلك مواجع ابدا يا دكتور وكل سنه وانت طيب وكل سنه وانت حر
Post a Comment